Uthuke wonke umuntu ohlulwe kuma-SAMA

Umculi uKelly Khumalo ulahlekelwe yinjabulo ngemuva kokungawini emikhakheni abeqokwe kuyona kumaSama. Le ntokazi eshisa izikhotha ngenoni layo elithi-Empini, ibiqokwe emkhakheni weBest Afropop Album noweFemale Artist of the Year – okuwinwe uSjava nomculi we-gospel uNtokozo Mbambo, ngokulandelana.

Nakuba i-Best Afropop Album ibe yingxenye yezindondo ezingazange ziboniswe kumabonakude ngoLwesihlanu, abantu baseNingizimu Afrika banikezwe ithuba lokubuka indondo ye-Female Artist of the Year ngesikhathi kuqhubeka umcimbi omkhulu ngoMgqibelo. Lena bekuhlanganisa noKelly Khumalo, obekubonakala ukuthi ubengekho.

Emibhalweni eminingi ku-X (Twitter), lo mculi ujike waqhuma ngesikhathi engayiwini indondo yeFemale Artist of the Year, ebibhekwe ngabomvu. Ekhuluma ngokukhwatshaniswa kwamavoti amaSama, uKhumalo uthe “Nina niyalazi iqiniso. Izinombolo aziqambi amanga. Ngibize Emaweni [isihloko se-albhamu yakhe yakamuva],” kubhala uKelly Khumalo.

Uqhube wathi: “Ukuwina okuhleliwe FUSEG!… Anginesabi nonke FUSEG! FUSEG NONKE.” Lapho omunye umsebenzisi we-inthanethi uveza ukuthi ngamajaji anqume owinile, uKelly waphendula, “batshele ukuthi angibesabi.” UKelly uqhubeke wasebenzisa inhlamba yesiZulu, ms*nu – eyaduma ezinkundleni zokuxhumana ngo-DJ Euphonik eminyakeni eminingi edlule.

Lo mama wezingane ezintathu uphinde wagadla kuNtokozo Mbambo ngokuwina kwakhe nge-albhamu yakhe yomculo wokholo, iLavish Worship. “Uyazi ukuthi ayimfanele. Izinombolo aziqambi amanga… Ngisho noNtokozo uyazi ukuthi izinombolo aziqambi amanga! Asimsabi. Fuseg Samas,” kubhala uKelly.