I-NCC icela kubuyiselwe emuva i-Chery ne-Omoda

Zingaphezu kwezingu-20,600 izimoto zakwaChery nakwa-Omoda okudingeka zibuyiselwe emuva ezweni lonke ngenxa yezinkinga zokuphepha ezingaba khona.

I-National Consumer Commission (NCC) ithi ukubuyiselwa emuva kuthinta izimoto zohlobo lwe-Chery Tiggo 4, yi-Omoda C5 kanye neCherry Tiggo 8 Pro Max 2.0.

Lezi zinkinga ziyingozi enkulu.

Imoto yohlobo lwe-Tiggo 4 eyathengiswa phakathi kuka-October 2023 noMarch 2024 kanye namamodeli e-Omoda C5 athengiswa phakathi kukaFebruary 2023 noJuly 2026 kungenzeka ukuthi anenkinga ye-welding kwi-axle yangemuva.

Lokhu kungabangela umonakalo omkhulu ongaholela ekutheni kuphume i-axle.

Imoto yohlobo lwe-Tiggo 8 Pro Max eyenziwe ngoMay 2026 yona isengozni ehlukile kulezi ezinye.

Ipayipi layo langaphambili lebhuleki lingaguga ngokumelene ne-turbocharger, okungase kubangele ukuvuza kwebhuleki kanye nokwehla kwezinga lokusebenza kwebhuleki.

Abanikazi bayanxuswa ukuthi baxhumane nabathengisi be-Chery abagunyaziwe ukuze zizohlolwa ziphinde zilungiswe.

Yonke imisebenzi yokulungisa izokwenziwa mahhala.

I-NCC ithi iphinde iphenya i-Chery ngezinsolo zokuthi kwake kwabuyiselwa izimot emuva ngapjhambili ngaphandle kokubikela iKhomishini.