Lihlehlile elabasolwa ngokubulala uSindiso Magaqa

Icala elibhekene noMbulelo Mpofana, Sbonelo Myeza noZweliphansi Stanely Skhosana, liqalile ukuqulwa eNkantolo eNkulu yaseMgungundlovu ngoMsombuluko.

Bonke abasolwa bawaphikile amacala.

Bobathathu babhekene necala lokubulawa kowayenguNobhala-Jikelele we-ANC Youth League, uSindiso Jethro Magaqa, owabulawa ngo-July 2017 eMzimkhulu, KwaZulu-Natal.

Abasolwa bathweswe icala lokwakha itulo lokubulala, ukubulala, ukuzama ukubulala, ukuphatha isibhmau esingavumelekile, ukuphatha isibhamu ngokungemthetho, ukuphatha izinhlamvu ngokungemthetho nokucekela phansi impahla. USikhosana yena ubhekene nelinye icala elingaziwe lokuphazamisa ukusebenza komthetho.

Icala lihlehlele umhlaka-16 November 2026 ukuze kulungiswe udaba lwezinto ezivele ngokuka-Section 220 bese kuqhubeka icala.

UMyeza noMpofana bangaphandle ngebheyili kanti uSikhosana ugcinwe esitokisini.