Bakhunjuzwe ngemiyalelo yenkantolo abesebeqala udlame ku-Che Guevara Road

Amaphoyisa ophiko lwe-Public Order Police (POP) KwaZulu-Natal kudingeke ukuba asebenzise amandla ukuhlakaza iqulu labantu ababebamasha kuChe Guevara Road, eBerea ngoLwesibili ntambama.

Iqulu labantu, iningi lalo liphethe izikhali eziyingozi njengemshiza, kanti abanye bebezifihle ubuso ngama-mask nezinye izinto, besuka kumatende abahlala kuwo eduze namahhovisi oMnyango wezaseKhaya, eMbilo lapho abaqale khona imashi ngemuva kwezithuba zabo-15:00.

Amaphoyisa e-Public Order amise abamashi futhi abakhumbuza ngomyalelo wenkantolo wesikhashana obanqabela ukuba bamashe ngemuva kuka-15:00, ukuphatha izikhali eziyingozi nokuzifihla ubuso nezinye izinto ngesikhathi semashi. Ngesikhathi sezingxoxo, abamashi, ababengenabo abaholi ababalawulayo njengokusho komthetho, babenolaka bajikijela amaphoyisa ngamatshe.

Ukulawula isixuku nokubuyisela ukuthula emphakathini, amaphoyisa asebenzise ama-stun grenades nokudubula ngezinhlamvu zenjoloba. Amaphoyisa ayaqhubeka nokuqapha isimo. Ayikho imibiko yabathole ukulimala.

Ngemva kwezinxushunxushu, amaphoyisa aqale uphenyo mayelana nokuhlaselwa kwamaphoyisa nangokwephulwa komyalelo wenkantolo wesikhashana obekiwe.