I-MKP iphikisa imiphumela yokhetho eThekwini

I-MK Party iphikisa imiphumela yokhetho eThekwini, ngokufaka isikhalazo esisemthethweni kwiKhomishini Yokhetho yaseNingizimu Afrika (IEC) mayelana nokubalwa kanye nokufakwa kwemininingwane yamavoti ohlelweni.

Leli qembu lithi kube nezinkinga ohlelweni eSikhungweni Sokuphathwa Kwemiphumela eThekwini.

Liphinde lithi ezinye izibalo ezifakwe ngokusetshenziswa kobuchwepheshe  azihambisani namaphepha emiphumela asayinwe ngabamele amaqembu eziteshini zokuvota.

I-MK Party icela i-IEC ukuthi ihlole imiphumela okungavunyelwene ngayo, futhi ivumele kwenziwe uphenyo oluzimele futhi olunzulu.

Ifuna ukuthi imiphumela ethintekayo imiswe okwesikhashana kuze kube yilapho zonke izinkinga noma ukungahambisani okukhona kuxazululiwe.

Iqembu i-uMkhonto weSizwe (MKP) lifuna ukuthi iKhomishini Yokhetho (IEC) ihlehlise isimemezelo sokugcina kanye nokushicilelwa kwemiphumela yoKhetho loHulumeni baseKhaya, kuze kube yilapho kuxazululwa lokho abakubiza ngokuthi ‘ukungahambi kahle okuhlobene nokhetho’ kuMasipala waseThekwini.