‘Azikaqali izingxoxo ezisemthethweni zawezombusazwe’

Amaqembu ezombusazwe aseyaqala abheka ukuthi bangasebenzisana namaphi amanye njengoba kubonakala sengathi omasipala abaningana KwaZulu-Natal kuzodingeka bakhe imifelandawonye.

Njengoba omasipala abaningana KwaZulu-Natal kungenzeka badinge ukwakha imifelandawonye, ​​amaqembu ezombusazwe seqalile ayabhekisisa.

Abaholi bamaqembu bebelokhu bengena bephuma eSikhungweni Sokusebenza sesiFundazwe (Provincial Operations Centre) esise-Durban ICC ukuze balandele imiphumela njengoba ukubalwa nokufakwa kwemininingwane yamavoti kuqhubeka.

Umholi weqembu le-MK KwaZulu-Natal, uWillies Mchunu, ubuziwe yizintatheli esikhungweni semiphumela ukuthi iqembu lakhe lizimisele ukusebenzisana nobani.

“Izingxoxo ngokuvamile aziqali njengezingxoxo ezisemthethweni. Ziqala phakathi kwabantu,  lapho umuntu evele eqhamuka esecela ukuba nikhulume, esethi, Heyi, singakhuluma yini?’ bese uphendula uthi, ‘Yebo, uma uzimisele ukukhuluma, kulungile.’ Lokho akukabi yizingxoxo ezisemthethweni, kodwa kuwukusondelana nje. Abantu bayasondelana.”

Iqembu le-MK selivele layiqembu elinamandla akakhulu kwezombusazwe KwaZulu-Natal, njengoba kuze kube yimanje selithole amaphesenti angu-34 (34%) amavoti avumelekile, lilandelwa yi-IFP kanye ne-ANC.

Kumasipala weseThekwini, i-MKP kuze kube yimanje isithole amavoti angaphezu kwamaphesenti angu-40 (40%).