I-SASSA ishintshe izinsuku zokuholwa kwezibonelelo zikaNovember

I-South African Social Security Agency (SASSA) imemezele izinsuku ezintsha zokuholwa kwezibonelelo zomphakathi zikaNovemba 2026, ngokugunyazwa yiNational Treasury.

Okhulumela i-Sassa uDkt. Paseka Letsatsi uthe lezi zinguquko zilandela izingxoxo phakathi kwenhlangano i-Sassa kanye nababambiqhaza abahlukene ukuqinisekisa ukuthi izinkokhelo ziqhubeka kahle nangaphandle kokuphazamiseka ngesikhathi sokhetho.

Izinsuku zomholo zishintshelwe ukuba zingaphazamisi ukhetho lukahulumeni wendawo lwangomhlaka-4 November, okuyiholide lomphakathi.

Ngaphansi kwesimiso esibuyekeziwe, izibonelelo zabantu asebekhulile zizoholwa  ngoLwesihlanu lomhlaka-30 October, kulandele izibonelelo zokukhubazeka ngoMsombuluko, womhlaka-2 kuNovember. Izibonelelo zezingane zizoholwa ngoLwesibili, womhlaka-3 kuNovember.