Kuthiwa ababhikishi bahlasele izakhamuzi zakwamanye amazwe kulandela isiphithiphithi esibe khona ezimpambanweni zomgwaqo u-Anton Lembede no-Dr Yusuf Dadoo eThekwini. Kubikwa ukuthi ababhikishi basole izakhamuzi zakwamanye amazwe ngokuba nezibhamu.
Amaphoyisa angenelele izolo ebusuku akwazi ukuhlenga oyedwa.
Amaphoyisa alwe kanzima ukuvimba isimo njengoba ababhikishi behamba kulo lonke iTheku.
Khona manjalo, uNdunankulu waKwaZulu-Natali uThami Ntuli uthi ucele ukuba kuthunyelwe amasosha ukusiza ekuqedeni udlame oluqhubekayo.
Uthi ukuthunyelwa kwe-SANDF kuyadingeka ukuze kubuyiselwe umthetho nokuhleleka edolobheni. NgoLwesihlanu, ababhikishi abaphikisana nokufuduka ngokungemthetho kuleli, batape impahla ezitolo balimaza nempahla izinsuku zilandela njengoba kuqhubeka udlame enkabeni yedolobha.
UNtuli uthi izinhlaka zezomthetho ziqinisiwe, kodwa njengoba udlame luya ngokwanda, ukholwa ukuthi ukuthunyelwa kwamasosha kuyadingeka.
Discover more from IBUNDA NEWS
Subscribe to get the latest posts sent to your email.
