I-Chiefs iyobhekana ne-Richards Bay eThekwini

Ngemuva kokudlala imidlalo emithathu ilandelana ekhaya e-FNB Stadium, i-Kaizer Chiefs ithi isililungele uhambo lwayo lwesibili lokuyodlala ngaphandle kwekhaya kwisizini ka-2026/27, emdlalweni we-Betway Premiership obhekene ne-Richards Bay FC ngoLwesithathu oluzayo e-Moses Mabhida Stadium eThekwini.

Njengoba sekudlalwe imijikelezo emithathu yemidlalo, i-Chiefs ihlezi phezulu ohlwini lwamaqembu ngokulingana namanye amaqembu amathathu, wonke enamaphuzu ayisikhombisa.

Ngemuva kwekhefu lezinsuku eziyi-10 kusukela emdlalweni wabo wokugcina bedlala ne-Mamelodi Sundowns ngoMgqibelo odlule, ithimba labaqeqeshi bamakhosi lithemba ukubona abadlali ababalulekile bebuya ekulimaleni.

Iqembu elisingathe umdlalo, i-Richards Bay, lithole amaphuzu amabili kuphela emidlalweni yalo yokuqala emithathu futhi lizimisele ngokusebenzisa ithuba lokudlalela ekhaya. Nokho, i-Chiefs ihlose ukufinyelela kumaphuzu ayi-10 kanti ibhekene neqembu elaziwa ngokuqina nokungapheli amandla, okwenza kube wumdlalo ozoba nzima kakhulu esifumdazwe KwaZulu-Natal.

Umdlalo we-Betway Premiership phakathi kwe-Natal Rich Boyz ne-Phefeni Glamour Boys uzoqala ngo-19:30 ngoLwesithathu, mhla zingama-26 ku-Agasti 2026, e-Moses Mabhida Stadium eThekwini.