Kukhuzwa oweBafana, oduke ngoba enqaba imyalelo yeqembu

Umdlali wesemuva wePolokwane City neBafana Bafana, uThabang Matuludi, akwaziwa ukuthi uhambe wayakuphi ngoba nakhu kubikwa ukuthi uhambe engabikanga emsebenzini kusukela ngesonto eledlule futhi uphuthelwe yimidlalo yePolokwane City.

UMatuludi wenqaba ukuqeqeshwa nokudlala ngenhloso yokuphoqa iqembu ukuthi lamukele isithembiso seKaizer Chiefs, yize usihlalo azama ukwenza konke okusemandleni akhe ukufanisa lokho okunikezwa yiKaizer Chiefs, waphinde wamcela ukuba aye kwi-Orlando Pirates; kodwa lo mdlali wagcizelela ukuthi ufuna iKaizer Chiefs kuphela.

Uma ungabheka okwenzeka esikhathini esidlule, i-Orlando Pirates ihlale iphumelela uma umdlali esenenkontileka nePolokwane City. Lesenzo sikaMatuludi sesisuse inkulumo mpikiswano ezinkundleni zokuxhumana, abanye bayemeseka kepha abanye bakhala ngokuthi uzibulalela ikusasa.

“Ukuzihambela nje ngaphandle kwemvume kuyafana nokuzimbelela ithuna lakhe.” Kusho umsebenzi ka-X (twitter).

“Ukuziphatha okunje kukhombisa ukuntuleka kokuziphatha okuhle kumdlali. I-ejenti yakhe kufanele ibhekane nalezi zinkinga, kanti yena umdlali kufanele adlale futhi enze konke okusemandleni akhe enkundleni; inkontileka yakhe izophela ngokuhamba kwesikhathi bese ekwazi ukuya lapho efuna khona.” Kusho u-@Skhumba009 ku-X.