IBafana iqophe umlando koweWorld Cup

Elakuleli liqhophe umlando okukuqala ngqa selokhu langena kumqudelwano wendebe yomhlaba ngonyaka ka1998. IBafana ihlule iSouth Korea ngo 1-0 ukuze idlulele kusigaba esilandelayo kwiNdebe yoMhlaba ka-2026.

UThapelo Maseko ubeyiqhawe ngokushaya igoli eliwinise elakuleli, njengoba selizodlala esigabeni somkhumulajezi okokuqala emlandweni walo. INingizimu Afrika, iqede endaweni yesibili kuGroup A ngemuva kosokhaya iMexico, kanti izobhekana neCanada eSoFi Stadium emzuliswaneni wama-32 ngeSonto.

ISouth Korea bekufanele ngabe yenze okwanele ukuze ithuthuke njengelinye lamaqembu ayisishiyagalombili aphume indawo yesithathu kodwa indawo kepha emzuliswaneni olandelayo ayiqinisekisiwe.

Elakuleli lizobhekana nosokhaya baseCanada emzuliswaneni ka-32 ozoba seMonterrey. UThapelo Maseko nguyena oshaye iNingizimu Afrika phambili ngomzuzu ka-63.

U-Hugo Broos uthe ujabule kakhulu futhi ubevele ebathemba abafana bakhe.

“Angazi ukuthi kuzwakala kanjani, kodwa kunzima kakhulu ukuchaza. Kuyinto enhle kakhulu. Bekunzima kakhulu namuhla, kodwa sidlale umdlalo omuhle kakhulu. Sibe namathuba, futhi ngobuchule, ngicabanga ukuthi senze kahle kakhulu. Bekunzima kakhulu ku-South Korea ukuthola isikhala. Sivikele, futhi ezinguqulweni, besiyilokho ebesikufuna, Imizuzu engu-20 inhliziyo ishaya futhi ngethemba ukuthi umdlalo uzophela ngokushesha okukhulu. “Ngakho-ke, yebo, sisemzuliswaneni wesibili. Kungumlando. Kodwa ngijabule kakhulu ngaBafana. Ngisebenze nabo iminyaka emihlanu, futhi esikwenzile kuleyo minyaka emihlanu kuyamangaza.”