Ngu: Alfred Ngubane |
I-Orlando Pirates iqede ishobolo leminyaka engu 14 ingayinqobi iligi ngemuva kokushaya i-Orbit College ngo 2-0 eMbombela Stadium eMpumalanga. Ezimnyama zagcina ukuthatha iligi ngesizini ka-2011/12 ngesikhathi ziqeqeshwa u-Augusto Palacias. IPirates inqobe ngamagoli abengumkhonto ogwaze ekhaya.
Igoli lokuqala lize ngemuva kwephutha likanozinti. Nelesibili nalo kube yiphutha lomdlali wasemuva we-Orbit.Ukushaywa kwe-Orbit kuyenze yadliwa izembe.
Ukunqoba kweBucs kwenze yaqeda ukukhonya kweMamelodi Sundowns ebisinqobe iligi amahlandla angu 9. URelibohile Mofokeng ubengumdlali weBucs osenqobe izinkomishi zonke zePS, kusukela kuMTN 8 Cup, Nedbank Cup, Carling Black label Knockout Cup neBetway Premiership League.
Umqeqeshi wePirates u-Abdeslami Ouaddou nguyena umqeqeshi olandele uPalacias ngokunqoba isicoco seligi.
Discover more from IBUNDA NEWS
Subscribe to get the latest posts sent to your email.
