Ngu: Alfred Ngubane |
UHugo Broos ongumqeqeshi weqembu lesizwe lakuleli iBafana Bafana akabazibanga abadlali beKaizer Chiefs abanze kahle kulesizini,Kubadlali ababizele ekhempini yeBafana Bafana kukhona uLebohang Maboe, Thabiso Monyane, Bradley Cross noBrendon Petersen.
Kuzokhumbuleka ukuthi ngaphambilini abadlali beKaizer Chiefs ubengababizi eqenjini lesizwe ngenxa yokungadlali into egculisayo. UBroos uphinde wabiza umgadli weMamelodi Sundowns u-Iqraam Rayners obemshaye indiva emdlalweni edlule yeBafana Bafana.
Uphinde wabuyisa uThapelo Morena naye abemshiye ngaphandle emdlalweni edlule. Kubadlali abangabizwanga ngo Siyabonga Ngezana oyiqonqwane seqembu leFCSB yaseRomania noMohau Nkota.
UBroos ubize abadlali abangu 32 azokhetha kubona abadlali abazomela iqembu lesizwe eNdebeni yomhlaba ezobanjelwa emazweni amathathu -United States of America, Mexico naseCanada.
Le midlalo izoqala ngoJune.IBafana Bafana izodlala umdlalo wobungani neqembu lesizwe lase Nicaragua ngolwesihlanu mhlaka 29 May, lomdlalo uzobanjelwa e-Orlando Arena Stadium.
Discover more from IBUNDA NEWS
Subscribe to get the latest posts sent to your email.
