UMsinga United uqophe umlando ngokungena kowamanqamu we-Mathemba Cup ngemuva kokunqoba imidlalo emibili ilandelana eMzisho Stadium. Amabhubesi aseMsinga awayinikezang umusa i-Chess FC, ngesikhathi eyibhaxabula ngo 4-1.
UThabo Xaba ushaye amagoli amabili, kanti uNkululeko “Mkhulise” Miya noNjabulo “Ndosi” Ndamane bashayele elilodwa ngamunye. Kwi-semi-final, uMsinga United uqhubekile nokubusa uqhobozela uMgungundlovu United FC ngo 2-0. UThabo Xaba uphinde wathola igoli, kanti uSiyamdumisa Zulu waqeda umsebenzi ngelakhe.
UPhelelani “Jay Jay” Mpangase, oyiphini lomqeqeshi woMsinga United, uthe abadlali bakhe bagqugquzelwe ukusebenza kanzima ngemuva kokudlala eGoli kwi-Pirates Cup emasontweni amabili adlule.
“Njenga manje abafana bakulambele ukunqoba iMathemba Cup njengoba befuna ukubonga usihlalo wethu uWelcome Mpanza ngomsebenzi wakhe omuhle awenzela iqembu nomphakathi waseMsinga nesifundazwe saKwaZulu Natal, thina sinabadlali abaqhamuka eNingizimu Africa yonke, ” kusho uMpangase.
Utha abadlali babo bafunde lukhulu kwiPirates Cup. UMsinga United uzodlala neSummerfield Dynamos FC kowamanqamu weMathemba Cup.I-Summerfield ifinyelele kowamanqamu ngemuva kokushaya uMvoti FC ngo 2-1 emdlalweni obuse-Chartworth Stadium.
I-SAFA kulindeleke ukuthi imemezele inkundla ezosingatha umdlalo wamanqamu kungekudala. Abalandeli baseMsinga sebelungiselela ukugcwalisa inkundla bezoseka amabhubesi.
Discover more from IBUNDA NEWS
Subscribe to get the latest posts sent to your email.
