I-NPA ifuna uMalema agwetshwe kanzima ngolwesibhamu

I-National Prosecuting Authority (NPA) eMpumalanga Kapa ithi umbuso ucele inkantolo yeMantshi yase-East London ukuba imgwebe kanzima umholi we-EFF uJulius Malema mayelana necala lokuqhumisa isibhamu esidlangalaleni.

Okhulumela iNPA kulesi sifundazwe uLuxolo Tyali ukuqinisekisile ukuthi bafuna ahlakzwe kanzima uMalema. Uthe baphakamisa isigwebo seminyaka engu-15 kuMalema.

“Umbuso ubona ukuthi icala libucayi kakhulu ngenxa yesikhundla sommangalelwa emphakathini. Njengo mholi weqembu elikhulu ePhalamende, uMnu. Malema kumele abe yisibonelo. Ukuthola inhlawulo noma isigwebo esilengisiwe kungathumela umyalezo ongalungile, ikakhulukazi entsheni,” kusho uTyali ekhuluma ne-SABC News.

UMalema watholakala enecala ngoFebhuwari 2026 lokwephula uMthetho Wokulawulwa Kwezibhamu, ngemuva kwesigameko sango-28 Julayi 2018 eSisa Dukashe Stadium, eMdantsane. Kuvidiyo, ubonakala eqhumisa isibhamu phezulu ngesikhathi kugujwa iminyaka emi-5 i-EFF yasungulwa.I-NPA ithi nakuba kungabanga khona muntu owalimala kodwa lesi senzo

“Sasibeka izimpilo zabantu engcupheni futhi sakhuthaza ukusetshenziswa kabi kwezibhamu” I-EFF iphendule ngokuthi izodlulisa icala uma uMalema egwetshwa ukubhadla ejele.

Umkhulumeli weqembu, uSinawo Tambo, uthe isigwebo “akusona isikhonkwane sokugcina ebhokisini” likaMalema.

“Sizolwa kuze kufike eNkantolo yoMthethosisekelo. UMandela waya ejele iminyaka engu-27 waphuma waba nguMongameli. UJulius Malema uzohlala engu-Commander in Chief we-EFF,” kusho uTambo.