UNobengazi Booth uzolwela ibhande noNobandithini Dyambo empini yeSA tittle e-East London ngomhlaka 29 Mashi.
UBooth usanda kunqoba isicoco seKZN tittle esigabeni seJunior Middle Weight.
UBooth ujima ngaphansi kweNkonjane Boxing Gym eholwa uPhlorian Mnikathi eMooi River.
Lo mshayisibhakela uselwe izimpi ezingu 6 wanqoba ezingu 4 wahlulwa kwezimbili.
UMnikathi utshele IBunda News ukuthi bakwazile ukuqumba phansi uNoxolo Khashibe noThelma Zuma abasuka kwiLamontville Gym ngaphansi komqeqeshi uLethu Sibisi.
“Ngijabulile ngamabhokisa ngendlela azinikele ngayo ejimini, nangendlela aziphathe ngayo ngaphandle kwering,” kusho uMnikathi.
UMnikathi uyabonakala ukuthi ujabule uma ekhuluma ngamabhokisa akhe njengoNonkululeko-Leko Mncube okulindeleke ukuthi alwele maduze .
Uthe into esabashaya izinsiza kusebenza njengoba bengenabo abaxhasi.
Discover more from IBUNDA NEWS
Subscribe to get the latest posts sent to your email.
