Ngu: Sidlabehlezi Gumede
Indlu yobuHoli boMdabu KwaZulu-Natal ishayeke udume lwengozi ngokudlula emhlabeni kwenkosi yaseMathuli, uPhathisizwe Luthuli. ULuthuli (63) ukhothame ngemuva kokuxinwa ukugula isikhashana. Inkosi uLuthuli ibisihlale esihlalweni kusukela ngo-1988.
UNgqongqoshe wezokuBusa ngokuBambisana neziNdaba zoMdabu KwaZulu-Natal uMfundisi Thulasizwe Buthelezi uzwakalise ukudumala ngokudlula emhlabeni kwenkosi uLuthuli. “ULuthuli uzokhumbuleka njengo mtapo wolwazi oluhambayo ikakhulukazi emakhosini amancane nanokuzibophezela kwakhe ekuthuthukisweni kwabantu,” kusho uButhelezi.
Uthe uNdabezitha uLuthuli ungamanye wamakhosi angu 47 abesanda kwethweswa ngaphansi kohlelo lwe-Leadership and Good Governance Programme eNyuvesi yaKwaZulu-Natal.
UButhelezi udlulise amazwi enduduzo kwiSilo samabandla uMisiZulu kaZwlithini, umndeni wakwaLuthuli, umkhandlu wenkosi iMnini kanye nobuholi bonke bendabuko esifundazweni.
Discover more from IBUNDA NEWS
Subscribe to get the latest posts sent to your email.
