Ngu: Sidlabehlezi Gumede
Isilo samabandla uMisuzulu kaZwelithini uqinise ikhwelo lakhe lokuthi kuqanjwe kabusha isifundazwe saKwaZulu-Natal sibizwe nge-KwaZulu.
Ethula inkulumo yakhe yokuvula isiShayamthetho saKwaZulu-Natal eWoodburn stadium eMgungundlovu ngoLwesine, Isilo sithe asikho isidingo sokuthi elikaMthaniya libizwe ngeKwaZulu-Natal.
Omdala uthe igama iNatal limele abacindezeli afike kwelikaMthaniya bezoqola umhlaba kaZulu.
“Leli gama kumele liyekwe ukusetshenziswa ngoba limele abakhunkuli,” kusho Ongangezwe lakhe.
Imbube iqale ukwenza leli khwelo ngesikhathi kukhunjulwa impi yaseSandlwana eyayiphakathi kukaZulu namaNgisi ngo-1879.
Kulempi eyayiholwa uNtshingwayo kaMahole wakwaKhoza, uZulu wazidlela amahlanga uqumba phansi umbutho wamaNgisi owawuhlome ngezibhamu.
Isilo siphinde sathi sesijube uShansela waseNdlunkulu Inkosi Malusi Zondi ukuba anxenxe osomabhizinisi ukuthi bahlenge uTongaat Hullets olubhekene nezinkinga zezimali.
Omdala uphinde watusa obengumsakazi weVuma FM uJacinta Ngobese-Zuma ngomkhankaso wakhe wokulwisana nabokufika kuleli.
Discover more from IBUNDA NEWS
Subscribe to get the latest posts sent to your email.
