Ngu: Mduduzi Mbangayiya
UJenet Mbhele, umgijimi wamabanga amade uveze amacebo akhe akamuva okugijima lo nyaka.
Utshele iBunda News ukuthi ngeke aphinde abambe iqhaza kwi-Two Oceans Marathon.
Kunalokho, lo mgijimi odumile uzobonakala kwi-Harry Gwala Marathon kanye nasePrince Mangosuthu Marathon, okuyimijaho emibili yendawo.
Leli qhawe lomgijimi selihlobise iqoqo lamamedali ngamagolide amabili kwi-Comrades Marathon kanye nelilodwa kwi-Two Oceans.
Lokhu kukhombisa kahle ikhono lakhe elingavamile kule midlalo.
Ukukhetha kwakhe iHarry Gwala nePrince Mangosuthu kukhombisa umgomo wokwakha isivinini nokulungiselela iComrades, okuyinto ebaluleke kakhulu kuyena.
Abalandeli nabahlaziyi babheke ngamehlo abomvu ukuthi uMbhele azothola indawo kubagijimi abathathu abahamba phambili kwiComrades Marathon yalo nyaka, “i-up run” ezoqala eThekwini iphethe eMgungundlovu.
Ukusebenza kwakhe ngokuzikhandla kulomjaho kuzoba yisihloko esikhulu sokuxoxwa ezweni laseNingizimu Afrika.
Kukhona ithemba elikhulu lokuthi amasu akhe amasha azomlethela impumelelo ayifisayo.
Ngaphezulu kokufuna impumelelo yakhe, uMbhele futhi ukhombisa ukuzibophezela okukhulu ekusekeleni imijaho esifundazweni saKwaZulu Natal.
Umhlaba wezemidlalo ulindele ngabomvu ukubona ukuthi uMbhele uzokwenza kahle kanjani kule mijaho emibili ayikhethile.
Discover more from IBUNDA NEWS
Subscribe to get the latest posts sent to your email.
