Owayengumdlali wasesiswini eqnjini leKiazer Chiefs, uKearyn Baccus, ubesematheni ngazo zonke izizathu ezingalungile ngenyanga edlule, ngesikhathi ethinteka esikimini sokubheja esingekho emthethweni e-Australia. Lo mdlali owake wagijima kuKaizer Chiefs, ubhekene necala lokuphehla imidlalo futhi bekumele avele enkantolo ngoMsombuluko.
UBaccus kanye nozakwabo wakudala eqenjini leMacarthur FC, u-Ulises Davila noClayton Lewis, bonke bayathinteka kulolu daba, kanti uDavila, owayengukaputeni waloleliqembu, kodwa inkontileka yakhe yanqanyulwa ngokusemthethweni ekuqaleni kukaMsombuluko, kukholakala ukuthi nguyena ohola isikimu esiphethwe ngungqondongqondo waseColombia.
Ngokubika kwephephandaba laseNew Zealand, i-1News, uBaccus bekumele avele okwesibili eNkantolo Yendawo yase-Downing Centre eSydney ngoMsombuluko kodwa icala lakhe laqulwa ngaphandle kokuba abe khona enkantolo, abashushisi bebezokwethula ubufakazi obufushane kubameli babadlali 22 Agasti.
Umsolwa oneminyaka engu-32 ubudala usolwa ngokuthola amakhadi aphuzi ngamabomu, kanti abaphenyi basola ukuthi lezi zigameko zenzeke ngesikhathi semidlalo edlalwe mhla zingama-24 kuLwezi nezi-9 kuZibandlela wezi-2023. , ku-Yahoo! Izindaba. Kuthiwa uBaccus nozakwabo uLewis bakhokhelwe u-Aus $10 000 (cishe u-R120 000) nguDavila ngezinsolo zokubandakanyeka kwabo.
Kuthiwa nabadlali bazame ukwenza okufanayo mhla zingama-20 kuMbasa nangomhla zizi-4 kuNhlaba nonyaka, kodwa leyo mizamo ayizange iphumelele.
Discover more from IBUNDA NEWS
Subscribe to get the latest posts sent to your email.
