Ubuholi be-IFP bumemezele uzongenela ukuba nguNdunankulu KwaZulu-Natal esithangamini sabezindaba ebesiseThekwini. Ngemuva kwemidonsiswano yangaphakathi, uMnuz Thami Ntuli, onguSihlalo we-IFP KwaZulu-Natal, kube nguyena oqokwe kulesikhundla sokuba nguNdunankulu wesifundazwe. UNtuli, oyimeya kamasipala wesifunda iKing Cetshwayo enyakatho yeKwaZulu-Natal, ungumzala woMntwana uMangosuthu Buthelezi ongasekho. Eminyakeni edlule uButhelezi wameseka ukuthi abe nguSihlalo wesifundazwe, ngaleyo ndlela wahlakaza umkhankaso onomfutho kaMbangiseni Yengwa ongasekho.
UMengameli we-IFP, uMnuz Velenkosini Hlabisa, uthi akukho ukungezwani phakathi kwakhe noMnuz Thami Ntuli onguSihlalo wale nhlangano KwaZulu-Natal ophakanyiselwe kwesokuba nguNdunankulu. UHlabisa uthi nguyena ophakamise uNtuli kulesi sikhundla futhi umeseke ngokuphelele.
Discover more from IBUNDA NEWS
Subscribe to get the latest posts sent to your email.
