Abadlali abachithiwe ngamaqembu akuPSL, kukhona uBievenu Eva Nga olaxazwe yi Orlando Pirates ngoba ehlulwe ngumsebenzi wokushaya amagoli. Lomdlali waseMozambique wayedlalela iqembu le Chippa United ngaphambi kokuthi ajoyine iqembu le-Orlando Pirates. Njemanje lomdlali usebuyele kuyona iChippa United ngoba engaphumelelanga ukuhlala ku Orlando Pirates.
Omunye umdlali okhonjwe indlela ngu Gift Matupa obengumdlali we Mamelodi Sundowns FC. Lomdlali ubesizwa ngendaba isikimu njengoba ubedla amaqwa ebhentshini. Lomdlali waqala ukugqama kuBaroka FC wadlala naku-Orlando Pirates lapho nakhona waphuma ngesango.
UMatupa wayelandwe nguPitso Mosimane emlanda ku-Orlando Pirates ngemuva kwalapho wasizwa ngendaba isikimu kuManqoba Mgqithi no Rhulani Mokoena. Omunye umdlali ngu Kamohelo Matlasti osanda kuchithwa yiqembu leKaizer Chiefs ngenxa yokuthi ubedla amaqwa. Lomdlali uzoyibamba ku Chippa United.
Discover more from IBUNDA NEWS
Subscribe to get the latest posts sent to your email.
