Kukhonya othisha baseMsinga KwaZulu-Natal ngezibalo

Kugqama abaseMsinga ezifundweni zezibalo nePhysics eNingizimu Africa, njengoba bezihambela bodwa nakuba bephuma endaweni ekade yaziwa ngezimpi ngaphambilini kodwa lokho akubathenanga amandla. Baphokophele phambili emhlabeni ngokukhiqiza abafundi abasezingeni lomhlaba ngezibalo nange Physics. USifiso Zuma onguthisha wase Dlula uMuzi High School KwaXimba, uhlabe umxwele izikhulu zomnyango wezemfundo KwaZulu-Natal ngokukhiqiza imiphumela kamatikula etsheni emihle. ngonyaka wakhe wokuqala efundisa izibalo nePhysics.

UZuma udabuka eMabomvini esigodini saseNzala, waphinda wafunda eHlanzeni Primary School wadlulela eSomahashi High School ngaphambi kokuthi adlulele ophikweni oluphezulu lezemfundo ephakeme. Kugqamile okwekati elimhlophe ehlungwini ukuthi othisha baseMsinga yibona abakhonyayo ezibalweni naku Physics njengoba uNxamalala ushaye 100 % ezibalweni ne Physics.

Lengcweti yase eMabomvini eNzala isikhombise umhlaba wonke ngomsebenzi omuhle owenziwa ngabafundi base Msinga ezikoleni abaphuma kuzona, ezifana no Somahashi high School, Mbomvu Combined School, Muntu High School, Mawele High School, Mqamathi High School, Nyoniyezwe High School, Sikulwazi High School, Ngwane High School, Makhosonke High School neDolo Combined School mangabe ngabe besebenza othisha baseMsinga basebenza ngokuzikhandla kakhulu ngokuphindiwe. Kumanje uNxamalala unxusa umnyango wezemfundo KwaZulu-Natal ukuthi umlekelele ngokumtholela othisha ngoba bayashoda kakhulu esikoleni sakhe, unxusa ukuthi kutholakale othisha abafundisa izibalo nephysics, kungqame kakhulu othisha baseMsinga eThekwini namaphethelo.