Indodakazi kamphathi wesekethe yezemfundouDkt Mehlape eboshelwe ukubulala kwakhe. Indodakazi kaMalekutu Johannes Mehlape, 56, owayeyiMenenja Yesifunda saseLebopo, owadutshulwa esemzini wakhe eMankweng Zone 1 ngaphandle kwasePolokwane, eLimpopo, ngesikhathi izigebengu zigebenga umuzi.
Lokhu kuza ngemuva kokuthi abasolwa ababili abangaziwa bavimba indodakazi kaMehlape, eyayibuya emqhudelwaneni webhola lezinyawo ngo-9 ebusuku. Bayalele indodakazi ukuthi ingene endlini, nokuyilapho abafice khona indodana kamufi bafuna ukwazi ukuthi ukuphi uDkt Mehlape ngaphambi kokuphuca omunye wabo umakhalekhukhwini.
Abasolwa bayalele izingane ekamelweni likaDkt Mehlape, bafike bamvusa bafuna imali. Kuthiwa ngemuva kokuba ebanikeze isikhwama semali esingadalulwanga, babe sebemdubula amahlandla amaningi maqede babaleka ngezinyawo. Ithimba elakhiwe abophiko lwezobunhloli, ithimba lesifundazwe elilandela umkhondo ukuze kusheshiswe uphenyo.
NgoLwesine wezi-2024-01-11 ithimba lubophe indodakazi kamufi eneminyaka engu-28 ubudala ngokuxhumana naleli cala. Ithimba lishisa izikhotha lithungatha abasolwa abangakaboshwa.
Umsolwa oboshiwe uzovela ngaphambi kwenkantolo yeMantshi yaseMankweng maduze ebhekene nala macala alandelayo, Ukubulala okuhleliwe kanye nokwephula iziphetho zobulungisa.
Discover more from IBUNDA NEWS
Subscribe to get the latest posts sent to your email.
