ULucas Rhoo Radebe owayengukaputeni weLeeds United neBafana Bafana, ubona imfaketho eyenziwa nguDanny Jordan ongumengameli we SAFA. “Kuzomele akuqonde ukuthi abadlali abazona izilima, njengoba ethi kumele banqobe African Cup of Nations ukuze lenhlangano inika imali eyisamba sezigidi eziy-7. Udlala ngegeja kuziliwe ayikho leyonto yakhe ngoba abadlali akhuluma ngabo bayahola emaqenjini abo.
Bahola imali engaphezulu kweyakhe, kodwa uzobenza izimpumputhe lomuntu ngoba abadlali bayalithanda izwe labo. Inkinga yebhola ngabe uyayiqonda ukuthi ikuphi? Kuzomele aqale yena azinuke amakhwapha kuqala. Kumanje awukho umlingo ongenziwa iBafana Bafana ukunqoba African Cup of Nations, kusazothatha isikhathi eside kakhulu ukuthi lelizwe likwazi ukunqoba i-Afcon. Abadlali bayawadinga amabhonasi ngendlela efanelekile, hhayi ukuthi abatshele lento ayishoyo ngumsangano wodwa lona” kusho Rhoo.
Discover more from IBUNDA NEWS
Subscribe to get the latest posts sent to your email.
