Basazobhadla ejele abakofika abaqola owesifazane imali engangoR600 000

Bazowudlela ejele ukhisimuzi abakofika kuleli futhi abakulelizwe ngokungemthetho, u-Yiga Siraje Lubega noRhoda Betsey Mirembe. Lababobili basolwa ngokuqola u-R600k wowesifazane oneminyaka engu-39 ubudala waseLimpopo. Ngemuva kokuboshwa kwabo ngesonto eledlule, umsolwa, 27, kanye nozakwabo, 32, bagcinwe esitokisini ngesikhathi bevele eNkantolo yeMantshi yasePolokwane.

Nakuba uLubega kanye noMirembe, okuthiwa bangamaqola, bethi bavela e-Uganda eMpumalanga Afrika. INkantolo yeMantshi yasePolokwane ibuyisele uLubega noMirembe esitokisini kuze kube uDisemba 28 ukuze ibavumele ukuthi bafake isicelo sebheyili ngoMsombuluko.

URhoda Betsey Mirembe no-Yiga Siraje Lubega babhekene necala lokwakha itulo lokukhohlisa intokazi yaseLimpopo eneminyaka engu-39 ubudala. Ngemva kokuhlangana noLubega nokungena othandweni, owesifazane walahlekelwa imali engaphezu kuka-R600,000. Uphiko loKlebe, olubuye lwaziwe ngeleDirectorate for Priority Crime Investigation, lunxusa abesifazane abengeziwe okungenzeka ukuthi bakhohliswe izinhlelo zokukhwabanisa ukuba beze ngaphambili babike izigameko.

Ngesonto eledlule abasolwa ababili abasolwa ngokuba ngamaqola bagcinwe esitokisini ngesikhathi bevela enkantolo. Umufi wayesenesikhashana ejola noLubega, wabe esemethula kumngane wakhe wamtshela ukuthi ungumphrofethi. Kwesinye isigameko kubikwa ukuthi isisulu sakhonjiswa u-R4million wemali ewukheshi yilo mphrofethi osolwa ngokuthi ngeyakhe emadlozini kodwa kwakumele akhokhe u-10% wayo yonke leyo mali ukuze ayithole.

Njengoba lo wesifazane oneminyaka engu-39 ubudala waseLimpopo wayengenayo imali, waya ebhange wafaka isicelo sokubolekwa imali engu-R650 000, wayinikeza “umphrofethi”. Ngemva kwesikhashana owesifazane wazama ukuxhumana noLubega, noMirembe, kodwa babengasatholakali. Kulapho abona khona ukuthi isoka lakhe likajolloff limqole, wabe esethinta iziphathimandla.