Empendulweni yakamuva yePhalamende, uCele uveze ukuthi uMnyango Wezamaphoyisa usebenzise imali engaphezudlwana kuka-R33,000 ngezindleko zakhe zokuhamba. UNgqongqoshe wamaPhoyisa, uMnuz Bheki Cele, uthe imali elinganiselwa kuhhafu wesigidi yasetshenziswa wuhulumeni ukuthumela yena nomsizi wakhe ukuthi bayobuka umdlalo wamanqamu weNdebe yoMhlaba yeRugby ebiseFrance.
Empendulweni yakamuva yePhalamende, uCele uveze ukuthi uMnyango Wezamaphoyisa usebenzise imali engaphezudlwana kuka-R33,000 ngezindleko zakhe zokuhamba. Kodwa cishe u-R450,000 osetshenziswe umsizi wakhe omkhulu osekuqubule umsindo. UCele uthe uhambo lwakhe beluxhaswe yinkampani ezimele.
Nokho-ke ngenxa yokuthi wayehamba ngokwesikhundla sakhe njengoNgqongqoshe kwadingeka ukuthi umsizi wakhe amphelezele. Ekhuluma eceleni kokuhlolwa kwamaphoyisa minyaka yonke eSebokeng ngoLwesibili, uCele uthe lonke udaba seluphelile. “Ongqongqoshe njalo ngezimpelasonto baya emngcwabeni, bahamba nabasebenzi babo, bahamba ngezimoto zabo zongqongqoshe akekho obale ukuthi yimalini esetshenziswe kulokho.” UCele uthe wabika ngohambo oluxhasiwe esimemezelweni sakhe saminyaka yonke ePhalamende.
Discover more from IBUNDA NEWS
Subscribe to get the latest posts sent to your email.
