Amaqembu aphikisayo kumasipala waseThekwini asevuke umbejazane esola i-ANC esifundeni iTheku ngokusebenzisa budedengu izimoto zikamasipala weTheku ukukhankasela ukhetho lokuchibiyela oluzoba seMayville. Lolu khetho luzovala isikhala sikaMnuz Muzimuni Ngiba, owayeyikhansela le-ANC eliboshiwe osolwa ngokubulala owamandulela.
I-video eseka lezikhalazo zamaqembu aphikisayo zokuthi i-ANC eThekwini isebenzisa budedengu izinsiza zikamasipala weTheku ukukhankasela ukhetho lokuchibiyela eMayville igcwele izinkundla zokuxhumana. Akwaziwa ukuthi ngabe lamalungu abenayo yini imume yokusebenzisa lempahla kaMasipala. Kubonakale amaqembu afana noIFP kanye nawe ANC ekhankasa ngezimoto ezibhalwe ngemihlobiso yalamaqembu kuleli lokishi eliseceleni kwedolobha laseThekwini. Lolu khetho lokuchibiyala luzoba ngomhlaka 13 kuZibandlela 2023.
Discover more from IBUNDA NEWS
Subscribe to get the latest posts sent to your email.
