USihle Zondi wase Ngome unxenxa amadoda ukuthi athande imndeni yawo nsuku zonke zokuphila emhlabeni. “Mina ngafika emhlabeni ngabazali ababili, ngakhuliswa yibona abazali bami besithanda kakhulu besinika uthando. Sekunezimo ezibukhuni lapha emhlabeni njengoba khona abantwana abangabazi abazali babo, kodwa bakhona emhlabeni badla anhlavana. Labantwana bayabadinga oBaba babo njengoba badinga uthando labo, abanye bakhulile bahlangana nezimo zokukhula zempilo njengoba bafuna izibongo zabo.” kuqhuba uZondi
Uphinde wagcizelela kakhulu ekusondaleni komzali kanye nomntwana wakhe umfokaMancinza uthe: “umzali kumele asondelene nabantwa bakhe, abondle ngokudla abagqokise aphinde abondle ngokubathisha ngempilo, njengoba abafana bayamdinga uyise ukuthi abadodise abanike umthetho wekhaya ngokujulileyo. Kukhona obaba abangakwazi ngisho ukushisa imphepho ngoba akafundiswanga nguBaba wakhe, abanye bagcwele amajele ngenxa yokuthi abazali bebengekho ezimpilweni zabo.” kuqhuba uNondaba.
“Babodwa abagcwele izitaladi baxoshwa ngenxa yezinkinga abazithola emndenini emuva konina lume, abanye bashiya izikole ngenxa yempilo enzima. Mina nginabafana abahlanu ngihlale ngiseduze nabo ngasosonke isikhathi njengoba mina ngilapha eThekwini bona basekhaya kodwa njalo ngosuku siyakhuluma kabanzi njengoba ezobucwepheshe zisezingeni eliphezulu kakhulu.
Ngibonga nomkami ohlale eseduze nami siyabambisana kukokonke esikwenzayo, ngiyazi ukuthi isikhathi samaholidi kazibandlela abantu bazoyohlangana nemndeni yabo, ngifisa ukuthi banikane uthando emndenini yabo.”
Ebuzwa yintatheli ye IBUNDA IZINDABA, ngokuthi amaholidi uwachitha kanjani uphendule wathi yena uyaye awukhiphe: “mina ngezinsuku zamaholide ngiyaye ngithathe umndeni wami ngiwukhiphele ezintabeni zokhahlamba , bayobona izintaba nemfula emkhulu njengoba imifula emkhulu KwaZulu-Natal iqala khona. Ngiphinde ngibase esiqiwini eZulu Nyana, ngiyobakhombisa izilwane zasendle ezifana namabhubesi, izingwe, izindlovu, izinyathi, obhejane, babuye bejabule kakhulu ekhaya njengoba lapha kithi eMsinga eNgome akukho lokhu” kuphetha uZondi.
Discover more from IBUNDA NEWS
Subscribe to get the latest posts sent to your email.
