I-DA ikhala ngokudlula emhlabeni kukaNhlalayenza Ndlovu obeyikhansela lalenhlangano kumasipala waseMngeni. Ikhansela le-DA, uMnuz Nhlalayenza Ndlovu, udutshulwe washona elokishini laseMpophomeni ngoLwesibili ebusuku.
Esitatimendeni, umholi waleli qembu esifundazweni uFrancois Rodgers uthe imbangela yokushona kukaNdlovu akwaziwa. Umasipala waseMidlands yiwona wodwa umkhandlu ophethwe yiqembu esifundazweni. UNdlovu uke wahola ikhokhasi yaseMooi Mpofana ngaphambi kokudlulela emkhandlwini waseMngeni.
“Sinxusa amaphoyisa ukuthi abambe ababulali bakaNdlovu nomthetho udlale indima ngaphandle kokulibala,” kusho uRodgers.
Kuzwakale ukuthi abezimo eziphuthumayo bakwa-EMS baseHowick baseMidlands, kanye nama-ambulensi amabili e-EMS eMpophomeni, bathunyelwe endaweni yaseMpophomeni ngemuva kwemibiko yokudutshulwa. Abezimo eziphuthumayo bafike bathola ukuthi uNdlovu ubenamanxeba amaningi okudutshulwa. Kuthiwa ushonile endaweni yesigameko.
Discover more from IBUNDA NEWS
Subscribe to get the latest posts sent to your email.
