Isikhwama se-Road Accident Fund (RAF) sithe sikwazile ngempumelelo ukumisa izicelo zomgunyathi ezingaphezu kuka-R2.6 billion ebezikhokhwa kule minyaka emithathu edlule. Kahle kahle inani eliqondile lalingu-R2,605,641,281.07.
Ngokubika kweIOL, isitatimende seRAF sithi “zingu-713 izicelo ezinqatshiwe ngo-2022/2023, 448 ngo-2021/22, kanye nezingu-4,172 ngo-2020/21,” . Eminyakeni yezimali emithathu edlule, kuboshwe abantu abangu-32: abangu-15 ngo-2022/23, 12 ngo-2021/22, kanti abahlanu ngo-2020/2021. Isigwebo esikhulu kunazo zonke kulesi sikhathi kwaba ukuboshwa ummeli iminyaka engu-12.”
Ithe le mpumelelo iwumphumela womsebenzi owenziwe uMnyango we-RAF Forensic Investigation ngokubambisana nezinhlaka ezahlukene zomthetho. I-RAF ithe ilwa nenkohlakalo ngaphakathi nangaphandle kanti lokhu sekuholele ekuboshweni ngempumelelo kwabenzi bobubi abahlukene okubalwa kubo odokotela, abameli, abasebenzi be-RAF, izisulu zezingozi zomgwaqo kanye nabasebenzi bezinkampani ezithola imininingwane yezingozi zomgwaqo.
“Izinhlobo zobugebengu obenziwa i-RAF zibandakanya ukufakwa kwezicelo zomgunyathi, ukufunwa kwezimali kwabafake izicelo ze-RAF ngomsebenzi owenziwe ukusiza ngokufaka izicelo, kanye nokwebiwa kwezimali zabafake izicelo,” kusho i-RAF.
“Ngaphakathi uphenyo luholele ekumisweni kwabasebenzi abayisikhombisa phakathi kuka-2020/21 no-2022/23. Abasebenzi abayisithupha basule ngesikhathi kuqhubeka uphenyo noma ukulalelwa kwecala kusukela ngo-2020/21 kuya ku-2022/23,” kusho isitatimende.
Discover more from IBUNDA NEWS
Subscribe to get the latest posts sent to your email.
