Amaphoyisa abulale abasolwa ababili abagebenga isitolo sobucwebe enxanxatheleni yezitolo iPavillion, eThekwini, maqede babulala iphoyisa elingusayitsheni uSgt Riyadh Adams. Lesigameko sokudutshulwa kubulawe kwalabasolwa ababili, kwenzeke esigcemeni sakwa-C KwaMashu. Lokhu kwenzeka ngemuva kokuthi amaphoyisa ephume umkhankaso wokuthungatha iqembu lezigelekeqe eladubula iphoyisa ngaphandle kwenxanxathela yezitolo iPavilion eWestville, eThekwini.
Izigebengu zabamba abasebenzi namakhasimende ezitolo ezimbili zobucwebe kulenxanxathela yezitolo. Okhulumela uMnyango uRobert Netshiunda uthi esinye sezigebengu saqale sangena esitolo sizenza ikhasimende, salandelwa ezinye ezine. Bahlula abasebenzi base bentshontsha ubucwebe obungadalulwanga.
Nokwathi ngesikhathi ngesikhathi bephuma enxanxatheleni yezitolo, labasolwa bazithela phezu kwemoto yamaphoyisa, base bedubula bebhekisa ephoyiseni eligcina ngokushona. Kwaphinde kwakutholakala ukuthi abasolwa baphuca onogada ababili izibhamu.
About The Author
Discover more from IBUNDA NEWS
Subscribe to get the latest posts sent to your email.
