Amabhusi ase Msinga aqhobozele eThekwini Coastal ngamagoli amathathu eqandeni. lomdlalo uqale ngegiya eliphezulu ngenxa yesimo somoya obunamandla amakhulu, zika Welcome Mpanza ongusihlalo woMsinga United zikhombisile ukuthi zifuna ukuhamba namaphuzu aphelele njengoba ziye ekhefini zihamba phambili ngamagoli amabili eqandeni, ngesiwombe sesibili amabhubesi abuye ngamandla njengoba egcine ethola igoli lesithathu nokube iphenathi eshaye esandleni kumdlali we Coastal, yathathwa ngu Senzo Gumede wayibeka phakathi, umoya ubulokhu ugqubeke njalo kodwa abadlali bamabhubesi bakhombise ukuvuthwa nokuthi baqhatha ngokwanele, amagoli amabhubesi aseMsinga Top ashaywe nguSimphiwe Gambu elokuqala elisibili labuya no Ayanda Nzimande. leliqembu lase eMsinga selinqobe imidlalo emine ngaphandle kwenduku,
UMpumelelo Mpanza ongumqeqeshi woMsinga United ukholwa ukuthi sebesitholile isixazululo samagoli njengoba amabhubesi ashaye amagoli amathathu, IBunda likhulume naye ngemuva komdlalo uthe kulemidlalo abayidlalile bahlulwe ukushaya amagoli amaningi, ephawula ngomdlalo ipulazi yethu isisebenzelile njengoba besibazi ukuthi bazosinika umdlalo onzima. njengoba nenkundla yabo ibingeyinhle njengoba ngapha ngase Gleble Hostel kulelophali belinesihlabathi kodwa abadlali bethu bakwazile ukumelana naso, lomqeqeshi usanda kuthatha izintambo ku Doctor Mkhonza makuqala lesizini, Mpanza uphinde waveza ukuthi bathatha umdlalo ngamunye ngobumqoka bawo, ayikho ingcindezi abanayo njengoba kade bedlala kuma National Play off ABC Motsepe League, abadlali bethu ngabadlali abasha abalambele ukunqoba bawazi umlando ngeqembu ukuthi ligcine kuphi, manje bona umsebenzi wabo ukulifaka esigabeni esilandelayo se Motsepe Foundation League
About The Author
Discover more from IBUNDA NEWS
Subscribe to get the latest posts sent to your email.
