Iwele leMajor League livula cishe ukuhlinzwa okuhlanu emlenzeni walo kulandela ingozi ngo-2020. Ngo-2020, u-DJ we-Major League, uBandile noBanele Mbere babandakanyeka engozini enyantisayo beya emcimbini owawuseMiddleburg, eMpumalanga, owacishe wadlula nemiphefumulo yabo. Emuva kwengozi, baveze izithombe zendawo yesigameko ekhombisa ibhasi labo eliphahlazekile kulandela ingozi yemoto noBandile ephansi.
Ngokubika kweZimoja, bavule isifuba ‘ngengozi yemoto embi kunazo zonke’ nendlela abacishe bafa ngayo iningi labo. “UNkulunkulu ube muhle ngempela kithi, sibonga kakhulu,” kusho laba ababili.
Kusukela lapho uBandile ubexhuga esebenzisa izinduku. Ugcine edalule ukuthi usehlale iminyaka emibili ehamba ngezinduku ngemuva kokuhlinzwa kabili.
IZimoja ibika ukuthi, uBandile usevule isifuba ngokuhlinzwa okuhlanu kanti ngemuva kokuhamba ngesihlalo esinamasondo, usebuyele ekuhambeni ngezinduku. Uveze ukuthi usanda kuhlinzwa futhi futhi uthemba ukuthi kungokugcina. Kodwa ingozi iza nezinkinga njengoba kubikwa ukuthi uBandile usefake abe-Road Accident Fund (RAF) enkantolo ngemuva kokuchitha isicelo sakhe sengozi yemoto sika-R3 million. Esitatimendeni esikhishwe umhleli womcimbi owayebabhukhe ngosuku lwengozi, uBanele kuphela ophumelele umcimbi ngoba uBandile walimala waphuka idolo walimala nomsipha wangakwesokudla waphinde wahlukumezeka nasengqondweni.
La mawele kubikwe ukuthi athole isinxephezelo sika-R900 000. U-R50,000 owengeziwe wokwelashwa okuphuthumayo, kanye no-R2.4 million wokulahlekelwa yimali esikhathini esidlule nesesikhathini esizayo ngenxa yengozi. Bafuna isinxephezelo sika-R3.3 million kwaRoad Accident Fund.
About The Author
Discover more from IBUNDA NEWS
Subscribe to get the latest posts sent to your email.
