Icala lokubulawa kukaDJ Warras lihlelelwe unyaka ozayo

Icala elibhekene noHlengiwe Buthelezi kanye noVictor Majola, abangabasolwa ecaleni lokubulawa kukaWarrick “DJ Warras” Stock, lihlelelwe umhlaka-22 February 2027.

Laba bobabili bavele eNkantolo eNkulu yaseGoli ngoMsombuluko ekuseni ukuze kuqhutywe izinqubo zangaphambi kokuqalwa kwecala.

Abasolwa bakhethe ukumelwa ngabameli abavela ohlelweni losizo lwezomthetho.

UButhelezi noMajola babhekene namacala okubulala kanye nokwakha uzungu lokubulala.

Omunye wabasolwa, uJoaquim Pacula, owadubula uStock, ugwetshwe iminyaka engu-25 ejele.

UStock wadutshulwa wabulawa ngomhlaka-16 December 2025 ngaphandle kwebhilidi, iZambezi Building eGoli.

UMajola waba ngowokuqala ukuboshwa, kanti uButhelezi yena waboshwa KwaZulu-Natal ngoSeptember.