Kubhulwe ilangabi ebhilidini ku-North Coast Road

Abezicishamlilo eThekwini sebebhule ilangabi kulandela ukuthola umbiko ngokusha kwebhilidi ku-North Coast Road, uma uqeda kudlula eRedhill, uma ubheke enkabeni yedolobha laseThekwini.

Amaphoyisa ophiko lwe-Durban Metro Police Service akhona endaweni yesigameko alawula ukuhamba kwezimoto, aqaphe nesimo.

Abashayeli bayelulekwa ukuthi baqaphele kakhulu uma besondela kule ndawo, behlise isivinini, futhi balindele ukuthi kungase kube nokubambezeleka kokuhamba kwezimoto.