Wonke amehlo athe njo kuGodongwana njengoba ezokwethula isabelomali

UNgqongqoshe wezeziMali u-Enoch Godongwana kulindeleke ukuthi ethule isitatimende sesabelomali saphakathi nonyaka namuhla ntambama.

Lokhu kuza njengoba izwe libhekene nesikhathi esinzima somnotho esidalwa yimpi yase-Middle East engapheli.

Kuneza incindezi kumnotho ovele uhluleka ukudala amathuba emisebenzi, amanani kaphethiloli amba eqolo, kanye nezindleko zokuphila ezikhuphuka mihla namalanga.

Lezi ngezinye zezinkinga uNgqongqoshe okuzodingeka abhekane nazo njengoba amaqembu aphikisayo kanye nabahlaziyi bezomnotho bemubheke ngawokhozi.

UGodongwana uzokwethula isabelomali ngezithuba zabo-2 ntambama ePhalamende.