I-SASSA ifuna ukubuyisa izigidi zamarandi ezikubasebenzi bakahulumeni e-KZN

I-South African Social Security Agency (SASSA) KwaZulu-Natal (KZN) isibambisene nezinhloko zeminyango kahulumeni wesifundazwe ukuze kubuyiselwe imali yesibonelelo sikahulumeni ekhokhelwe izisebenzi zikahulumeni ezingafanele ukuthola izibonelelo.

Ngo-April 2025, i-SASSA yamemezela ukuqaliswa kokubuyekezwa kwesibonelelo sikahulumeni okuhloswe ukuvimbela inkohlakalo, ukukhwabanisa nokuqinisekisa ukuthi izibonelelo zifinyelela kubantu abafanelekile.

UThamo Mzobe oyi-Regional Executive Manager kwa-SASSA eKZN uthi izisebenzi zikahulumeni esifundazweni zikweleta le nhlangano imali engaphezu kuka-R315 million.

UMzobe uthi ukubambisana kuzogxila ekubhekaneni nokukhwabanisa nenkohlakalo nokubuyisa imali ekweletwa umbuso.