Kuboshwe owokufika ngelezidakamizwa eKZN

Kuboshwe owokufika kuleli, oneminyaka engu-43 ubudala ngecala lokudayisa izidakamizwa, kulandela umsebenzi wobunhloli wamaphoyisa ophiko lwe-Provincial Drugs and Firearms Unit eBallito, eKZN, ngeSonto, lomhlaka-18 October 2026.

Amaphoyisa ayethole imininingwane mayelana nomuntu osolwa ngokudayisa izidakamizwa kule ndawo nasezindaweni ezizungezile. Amaphoyisa abe eselulandelisisa lolu daba endaweni yaseBallito ukuze kuzotholakala lo muntu ofunwayo.

Umsolwa ubanjwe nezidakamizwa zohlobo lwe-crystal meth enesisindo esingu-500g, ezohlobo lwe-methcathonone engu-4kg, ezohlobo lwe-cocaine engu-2kg, amaphakethe angu-12 amancane agcwele amabhodlela kanye namaselula ayisishiyagalolunye.

Inani lentengo yasemgaqweni yalezi zidakamizwa, lilinganiselwa ngaphezulu kuka-R1 million.

Umsolwa uboshwe wabe esebekwa icala lokudayisa izidakamizwa kanti uzovela eNkantolo yeMantshi yase-uMhlali namuhla.

Izithombe: