Bavele enkantolo kaMantshi abasolwa ngokubulala izikhulu zamaphoyisa eKZN

Avele namuhla enkantolo yaseVerulam amadoda amahlanu asolwa ngokubulala izikhulu zamaphoyisa ezimbili, ukuKaputeni Louis Nel noSayitsheni Mandla Khuzwayo. Labasolwa baboshwe ngesikhathi komsebenzi wamaphoyisa okukhulu oqondiswe ezindaweni eziningana eThekwini nasezindaweni ezilizungezile ngoLwesihlanu.

Omunye wabalingani walabasolwa washona ngesikhathi edutshubulana ne-Special Task Force yamaphoyisa eNanda. Kulindeleke ukuthi leli qembu libhekane namacala ahlobene nokubulala, kanye nokuphanga.

Lamadoda asolwa ngokweba u-R900 000 ezimalini ze-akhawunti ye-SAPS CI kanye nokubulala uKaputeni Louis Nel noSayitsheni Mandla Khuzwayo kule nqubo. Amaphoyisa amabili e-CI ayeqoqe imali emotweni engaphawuliwe ngo-Ephreli.

Imibhalo yenkantolo iphakamisa ukuthi ukuphanga kwakuyimbangela, okwalandela uzungu nokuhlela ngokucophelela phakathi kwabasolwa. La madoda amahlanu – okukholakala ukuthi enze ngenhloso efanayo – nawo abhekene namacala okutholakala nezibhamu nezinhlamvu ngokungemthetho.