Kuboshwe ababephanga indawo yokucima ukoma eGqeberha

Kuboshwe abasolwa abathathu ngemuva kokuphendula okusheshayo kwamaphoyisa ngolwazi lokuphangwa kwendawo yokucima ukoma e-Ikamvelihle, eGqeberha, Eastern Cape. Ukuphendula ngokushesha kwamaphoyisa ase-Ikamvelihle (#SAPS) olwazini olutholakele mayelana nokuphangwa kwendawo yokucima ukoma obekwakwenzeka, kuholele ekuboshweni kwabasolwa abathathu kanye nokutholakala kwezibhamu ezimbili, izinhlamvu kanye nempahla okusolwa ukuthi yebiwe.

Amaphoyisa athole ulwazi ngokuphangwa kwebhizinisi okwenzeka endaweni yokucima ukoma (itaveni) eMkombe Street, e-Ikamvelihle, avele anikela khona ngokushesha ayophendula kulolo lwazi.

Ngenkathi amaphoyisa esondela endaweni yesigameko, abone imoto iToyota Starlet (umbala oyi-silver-grey) iphuma endaweni, kwaba khona ukujahana okukhulu ngesivinini, kwaze kwaphoqeleka ukuthi imoto ime eMpunzi Street, e-NU1, e-Ikamvelihle. Abasolwa abahlanu bahle base bebaleka emotweni ngezinyawo beya ezinhlangothini ezahlukene. Amaphoyisa akwazile ukubamba abasolwa abathathu, kanti abanye ababili babalekile futhi bayafunwa.

Ukuseshwa kwemoto kuholele ekutholakaleni kotshwala obuhlukahlukene obulinganiselwa ku-R20 000, imali engashiwongo isamba sayo, izibhamu ezimbili, omagazini bezibhamu ababili abangenalutho kanye nezinhlamvu eziyisishiyagalombili. Izibhamu zizothunyelwa elabhorethri yezobuchwepheshe bokuphenya (forensic laboratory) ukuze zihlolwe kabanzi.

Lesi sigameko sokuphanga kuthiwa senzekile futhi ngaphambilini lapho amadoda amane ahlomile engena kule ndawo, ebopha izandla zomuntu obike icala (umgilwa) futhi efuna imali. Abasolwa baseshe indawo bathatha imali, utshwala, ukudla kanye nendandatho yomshado yomgilwa.

Kuboshwe abasolwa abathathu, abaneminyaka ephakathi kuka-19 no-23, futhi babhekene namacala okuphanga ibhizinisi. Imoto ithathiwe ukuze kuqhubeke uphenyo. Abasolwa ababili abasele ababaleke endaweni yesigameko bayafunwa ngamandla.