Ugwetshwe udilikajele usomabhizinisi wase-China

Usomabhizinisi owasungula isikhondlakhondla senkampani e-China, Evergrande Group, ebempahla onezikweletu eziningi emhlabeni, ugwetshwe udilikajele yinkantolo yaseShayina, eyayala ukuthi yonke impahla yakhe ithathwe.

UHui Ka Yan wawavuma onke ayisishiyagalombili, okuhlanganisa ukusetshenziswa kabi kwezimali, ukukhwabanisa ukuqoqa imali kanye nokuthatha imali yomphakathi ngokungemthetho.

I-Evergrande, eyake yaba ngunjiniyela ohamba phambili eChina, ibilokhu ihluleka ukukhokha iningi lezikweletu zayo ezingamaRandi ayizigidi eziyizinkulungwane ezingama-300 (R4.8 trillion) kusukela ngo-2021, okuyizinkinga zayo eziwuphawu lwenkinga emkhakheni wempahla ebilokhu idonsa isikhathi eside emnothweni wesibili ngobukhulu emhlabeni.

Isigwebo sikaHui siphetha indaba yakhe yokuceba kodwa akunakwenzeka ukuthi ilethe induduzo kubabolekisi basekhaya nabangaphandle be-Evergrande. Ngaphezu kwesigwebo sikaHui, inkantolo edolobheni laseShenzhen eliseningizimu ithe esitatimendeni sayo ihlawulise i-Evergrande ama-yuan ayizigidigidi ezingu-8.82 (R21billion) kanye nenkampani yayo eyinhloko, i-Hengsa Real Estate ama-yuan ayizigidigidi ezingu-7 (R17 billion), futhi yagweba abanye abaphathi abahlanu abaphezulu izinhlawulo kanye nezigwebo zasejele ezisukela eminyakeni eyisithupha kuya kwengu-18.