Indoda ezenza umlungisi kagesi weDolobha laseTshwane iboshwe yi-Tshwane Metro Police Department’s Cable Theft Unit eSoshanguve. Umsolwa ubanjwe exhuma kabusha ugesi ngokungemthetho ukuze akhokhe ngemuva kokuba amalungu omphakathi ebike imisebenzi esolisayo.
Amaphoyisa amthole esebenza endaweni eyayikade icinywe ugesi yiDolobha. Nakuba imoto yakhe yayinesitikha sikamakhi kagesi weDolobha laseTshwane, akakwazanga ukuveza amaphepha afakazela ukuthi ungumsebezi ogunyaziwe.
Amaphoyisa athole nemali okukholakala ukuthi iyinkokhelo yomsebenzi wokuxhuma kabusha okungekho emthethweni.
Discover more from IBUNDA NEWS
Subscribe to get the latest posts sent to your email.
