Umholi weNational Coloured Congress (NCC) u-Fadiel Adams (49) uvele eNkantolo yeMantshi ePinetown ngamacala amathathu okukhwabanisa namabili okuphazamisa ingalo yomthetho. Umbuso uthi ngomhlaka 2 November 2024 nango 24 January 2025 , ummangalelwa waya ejele eWestville waba nengxoxo neziboshwa ezimbili ezazilinde ukuqulwa kwamacala.
Lezi ziboshwa esinye sithinteka ekufeni kukaSindiso Magaqa esinye sithinteka kokunye udaba, bobabili babetokele amacala ayengakaphothulwa.Umbuso uthi ummangalelwa waziqopha izingxoxo neziboshwaUmbuso uthi ummangalelwa wangena waxoxa neziboshwa ngokwehlukana waziqopha.Kusolwa ukuthi wakwenza lokhu emuva kokuholela oPhathe amaphoyisa e-SAPS , eThekwini Metro Police nezikhulu zejele eWestville ethi uhamba ngomsebenzi.
Amaphoyisa ahlinzeka ummangalelwa ngezokuphepha wahamba egadiwe esuka e-King Shaka International Airport , waya eWestville waphinda wabuyiselwa emuva esikhumulweni sezindiza. Kusolwa ukuthi u-Adams waxoxa neziboshwa ngaphandle kokwazisa abameli bazo , abaphenyi becala futhi engagunyaziwe nayiPhalamende ukuthi avakashele ejele.
Umbuso uthe uzimisele ukusiphikisa isicelo sebheyili. Udaba luhlehlele u-13 May 2026 ukuze kulalelwe isicelo sebheyili.Maqondana necala likaSindiso Magaqa , abamangalelwa uSibonelo Myeza , Mbulelo Mpofana noZweliphansi Sikhosana bazobuyela eNkantolo eNkulu eMgungundlovu ngo-18 May 2026 ukuze kuqulwe icala.
UMyeza noMpofana bangaphandle ngebheyili kanti uSikhosana usesitokisini ngoba sachithwa isicelo sakhe sebheyili.
Discover more from IBUNDA NEWS
Subscribe to get the latest posts sent to your email.
