Lisinde ngokulambisa ikhansela le-IFP ngesikhathi lijuqwa zinkabi kuN2 ngaseMfekayi, eMtuba nezintatha. UMduduzi Zikhali ophethe u-ward 18 kuMasipala waseMtuba ubonga uMdali ngokumsindisa.
Ngokusho kukasihlalo weCPF eMkhanyakude, uXolani Zikhali uthi ikhansela lipake imoto lithi liyochama. “Kuqhamuke iVW Polo kwehla abesilisa ababili bephethe izibhamu ezinkulu bamdubula. I-glass lewindi lemoto lawohloka kodwa bamgeja, imoto yasala izimbobombobo.” kusho uZikhali.
Leli khansela kuthiwa sekunezikhawu ezimbalwa belizama. Bagcina ukulizama liziphathele imbiza nophondo lokuchatha izinkabi zaligeja ngenhlamvu. Sekunombuzo ukuthi kungani umasipala waseMtuba ungalihlinzeki ngonogada leli khansela ngoba sekucacile ukuthi kukhona olifuna phansi.
Discover more from IBUNDA NEWS
Subscribe to get the latest posts sent to your email.
