Ngu Nonkululeko Mazibuko
UMeya kaMasipala weTheku uCyril Xaba ube nomhlangano ophuthumayo nezikhulu eziphezulu zo-Umngeni-uThukela Water ngenhloso yokuxazulula inkinga yamanzi ehlasele izingxenye zedolobha.
Le nkinga ithinta imiphakathi eminingi edolobheni lase-eThekwini, ikakhulukazi ePinetown, Ashley nezinye izindawo.
UXaba uxwayise ngokuthi izinga lamanzi liyehla ngenxa yokuphazamiseka okukhulu kweNagle Dam aqueduct, okuyinsiza eyinhloko yokuhambisa amanzi angcolile kwiDurban Heights Water Treatment Works.
Ochwepheshe basebenza ngokuzikhandla ukulungisa i-valve efile ukuze ukuhamba kwamanzi kuzobuyela esimweni esijwayelekile.
UXaba ucele umphakathi ukuthi usebenzise amanzi ngokucophelela kulesi sikhathi sokulungisa inkinga.
Uthe umsebenzi wokulungisa uhlelo lwamanzi uyaqhubeka.
Discover more from IBUNDA NEWS
Subscribe to get the latest posts sent to your email.
