Ubahlali baseThekwini bakhala ngabalaphi bendabuko abageza abantu olwandle

Ngu: Minenhle Mpembe

Umphakathi waseThekwini udlulise izikhalazo ezinkundleni zokuxhumana ufuna ukumisa abalaphi bendabuko abenza izinto zesintu olwandle.

Abantu bakhala ngokuthi ukugezwa kwabantu olwandle njengendlela yokukhipha amabhadi ngesintu kunomthelela omubi wokungcolisa imvelo yezilwane ezihlala ngaphansi kolwandle.

Izinto abazisebenzisayo ngesikhathi sokugeza kubalwa amakhandlela, izingxenye zomzimba wezilwane, kanye nomnikelo okungaba ukudla.

Umphathi wabaqaphi basolwandle, uSizwe Mabaso, eSouth Beach,uthi angeke abaphikele abalaphi bendabuko ukuthi izinto abazisebenzisayo ziyalungcolisa ulwandle.

“Asifani singabantu, kunabantu abangakholelwa kwisintu abagcina sebexwaya ukungena olwandle ngenxa yezinto abazitholayo uma bebhukuda,” kusho uMabaso.

Umgibeli wamagagasi, uLisa Smith, uthi “angicabangi ukuthi ukugezwa olwandle kumele kwenziwe olwandle lasedolobheni ngoba kusuke kukhona izingane, izivakashi eziyizihambeli.”

Uthi yena wabona izinkukhu ezimbili ziminza

Abantu baseThekwini bathi bayakuqonda ukubaluleka kokugcina amasiko esintu kodwa lokho kumele kuqhubeke kwenziwe emifuleni njengasekuqaleni.

UMakhosi Mbotho, umlaphi wendabuko osebenzela eMakethe yesintu eThekwini, uthi “Into engingayithandi ngabantu abagezela abantu olwandle ukuthi izinto abazisebenzisayo bazishiya phakathi ulwandle lizihlambulule sezibolile. Kufuneka thina abantu bendabuko sifundisane ukuthi mese sizenzisile izinto sizilahle ngaphandle kolwandle.

Njengoba inkulumo mpikiswano isaqhubeka, kubukeka engathi angeke kube lula ukulinganisa phakathi kokugcina amasiko kanye nokuvikela imvelo.