Ngu: Sidlabehlezi Gumede
I-ActionSA KwaZulu-Natal ishaya amakhala ngesinqumo somkhandlu weTheku sokwenza izichuse ezimbili zabaholi be-ANC abaqavile ngoR22 million.
Izichuse i-ActionSA ekhala ngazo esikaDkt Nelson Mandela no-Oliver Tambo.
Lo mfuziselo walaba baholi kulindeleke ukuthi uthulwe ngoLwesibili.
Lo mcimbi uzokwengamelwa nguMengameli uCyril Ramaphosa.
Umholi we-ActionSA eKZN Zwakele Mncwango uthi iqembu labo alihambisana nalokhu okwenziwe iTheki.
“Le mali bekufanele isetshenziselwe ukulungisa izidingo eziphuthumayo zomphakathi,” kusho uMncwango.
Uthe izakhamuzi zaseThekwini zibhekene nezinkinga eziningi okubalwa kuzo:
– Ukubheda kwengqalasizinda yokuthuthwa kwendle
– Ukuphazamiseka okuqhubekayo kokuphakelwa kwamanzi nezinkinga zekhwalithi yamanzi
– Imigwaqo egcwele imigodi
– Ukucima kukagesi
– Izinselelo zokuqoqwa kukadoti
UMncwango uthe umkhandlu uyimoshile imali ngokwenza lemifuziselo.
Discover more from IBUNDA NEWS
Subscribe to get the latest posts sent to your email.
