I-SIU ithole okushaqisayo eHome Affairs ngabokufika

Ngu: Intatheli IBUNDA News

I-Special Investigating Unit ithi ithole iqiniso eliphazamisayo lapho amaphepha abokufuduka ethengiswa kumuntu onemali okwenziwa inhlangano esebenza nezikhulu ze-Home Affairs.

I-SIU ikhiphe umbiko wesikhashana mayelana nokuphathwa kabi kwe-Home Affairs ngoMsombuluko ngemuva kokuthola iseluleko.

Inhloko esabambile ye-SIU uLeonard Lekgetho uthi izinkokhelo zenziwe kwizikhulu kwathi kamuva kwakhishwa amadokhumenti.

Uthi labo abathintekayo bahlanganisa nabalingani bezikhulu ezisebenza kwa-Home Affairs nokuthi uphenyo lubonisa ukuthi imingcele yezwe ayivikelwe.

“Izikhulu eziphathiswe ukuvikela ubuqotho boMnyango Wezasekhaya, kodwa esikhundleni salokho zaguqula izikhundla zazo zaba izinhlelo zokwenza inzuzo, kuyilapho abantu bokufika bangaphandle, okuhlanganisa uMprofethi uShepherd Bushiri, uMnu Kudakwashe Mpofu, kanye nomrepha waseNigeria uPrince Daniel Obioma (owaziwa nangokuthi i-3GAR), basebenzisa lelithuba ukuthola amaphepha omgunyathi, futhi basebenzisa ubutengetenge bamthetho wezwe laseNingizimu Afrika ukuze bathole izimvume zokuhlala ezikhohlisayo.”

“Uphenyo lwembula ukuthi imingcele yezwe ayivikelwe ngumthetho kodwa ithengengiselwa laba abanemali ngenkohlakalo. Uphenyo ngezindaba ze-Home Affairs lugunyazwe nguMengameli uCyril Ramaphosa ngaphansi kweSimemezelo 154 sika-2024. Umbiko wesikhashana ochaza imiphumela yophenyo lwethu uthunyelwe kuMengameli, futhi manje senza ukuthi okutholakele kwaziwe emphakathini.”