Umbutho wamaphoyisa aseNingizimu Afrika (SAPS) esifundazweni saseNorth West usigxeke kakhulu isigameko sokushaya esithinta elinye lamaphoyisa abengekho emsebenzini. I-video yalesi sigameko esenzeke esiteshini samaphoyisa eRustenburg, isabalale ezinkundleni zokuxhumana, nokuholele ekutheni umphakathi ugxeke kakhulu.
Ukushaya kubikwa ukuthi kudalwe ukungaboni ngaso linye endaweni yokugunda kwenye yezitolo eRustenburg ngoMgqibelo ntambama, 14 December 2024. Ingxabano ibibandakanya iphoyisa ebelingekho emsebenzini, elihlonzwe ngelika-Ofentse Raphuti, isisulu sokushaya kanye nabanye abantu. Kulandela umbango esitolo sokugunda, isisulu sivakashele esiteshini samaphoyisa eRustenburg siyofaka isikhalo.
Ngokwemibiko, leli phoyisa liphinde lafika esiteshini, lafica isisulu endaweni yokupaka izimoto. Kuthiwa iphoyisa ebelingekho emsebenzini lijahe ummangali lamfaka emagcekeni esiteshi samaphoyisa lafike lamshaya. Amaphoyisa abesemsebenzini angenelele ngokushesha ukuze ahlehlise isimo. Isisulu sivule icala ngokusemthethweni lokushaya iphoyisa. Liphendula iphoyisa lavula icala lokushaya. Womabili amacala manje ayaphenywa.
buka ividiyo yalesigameko ngezansi:
[WATCH] Man Assaulted by Police Officer at Rustenburg Station.
— THE TRUTH PANTHER 🇿🇦 (@TheTruthPanther) December 17, 2024
[Read]https://t.co/EcyHZOA9CT pic.twitter.com/UELCzW9paZ
Discover more from IBUNDA NEWS
Subscribe to get the latest posts sent to your email.
